காரைநகர் நீலிப்பந்தனை அம்பாள் அடியவர்களிற்கு திருவிழா உபயம் தொடர்பான அறிவித்தல்: திருவிழா உபயத்தில் இணைந்து கொள்ள முடியும்.

காரைநகர் நீலிப்பந்தனை அம்பாள் அடியவர்களிற்கு திருவிழா உபயம் தொடர்பான அறிவித்தல்:

மாசி மகம் எதிர்வரும் March 02,2026 திங்கள்கிழமை ஆகும். அன்றைய தினம் நடைபெறவுள்ள அபிஷேகம் ஆராதனைகளில் பங்கேற்கவும் அன்றைய தின உபயமாக பெற்று திருவிழா உபயத்தில் இணைந்து கொள்ள முடியும்.

ஆதீனகர்த்தீக்களால் நியமிக்கப்பட்ட செயற்பாட்டு உறுப்பினரான திரு.சிவறைஞ்சன் பாலகிருஸ்ணன் அவர்களுடன் தொடர்புகொண்டு பதிவு செய்து கொள்ளுங்கள்: + 94 776 90289. WhatsApp ஊடாகவும் தொடர்பு கொள்ளலாம்.

திருவிழா உபயம் செலவு: 40,000 ரூபா.

மாசி மகம் என்றால் என்ன… வழிபாட்டின் பயன் என்ன என்பதை அறிந்து கொள்ளுவோம்.

மாசி மகம் என்பது தமிழ் மாதமான மாசி மாதத்தில், பௌர்ணமி தினத்தில் மகம் நட்சத்திரம் கூடிவரும் நன்நாளில் கொண்டாடப்படும் ஒரு முக்கிய சைவ சமயத் திருநாளாகும். இந்நாளில், சிவபெருமான் மற்றும் பிற தெய்வங்களுக்குச் சிறப்பு வழிபாடுகள், புனித நீராடல் (தீர்த்தவாரி) மற்றும் பித்ரு தர்ப்பணங்கள் செய்யப்படுகின்றன, இது பாவம் போக்கி புண்ணியம் தரும்.

மாசி மகத்தின் முக்கியத்துவம்:

வரலாறு: வருண பகவானுக்கு ஏற்பட்ட பிரம்மஹத்தி தோஷம் நீங்கிய நாள், மற்றும் உமா தேவியார் தாட்சாயணியாக அவதரித்த நாள் என்பதால் இது மிகவும் புனிதமாகக் கருதப்படுகிறது.

தீர்த்தவாரி: மாசி மகத்தன்று கோயில் சிலைகளை நீர்நிலைகளுக்கு (கடல், நதி) எடுத்துச் சென்று, சிறப்பு வழிபாடுகளுடன் நீராட்டுவர். இந்த நீர்நிலையில் நீராடுவது அனைத்துப் பாவங்களையும் போக்கும் என்பது நம்பிக்கை.

கும்பகோணம் மகாமகம்: மாசி மாதத்தில், மகம் நட்சத்திரம் வரும் இந்த நாளில் கும்பகோணம் மகாமக குளத்தில் நீராடுவது, காசி போன்ற புண்ணிய தீர்த்தங்களில் நீராடுவதற்கு சமமாகக் கருதப்படுகிறது.

பித்ரு வழிபாடு: முன்னோர்களுக்கு பிதுர் மகா ஸ்நானம் மற்றும் தர்ப்பணம் கொடுக்க இது உகந்த நாளாகும்.