காரைநகர் பத்தர்கேணியை சேர்ந்தவருமான தனது பெயர் குறிப்பிட விரும்பாத அன்பர் மருதம் படிப்பகத்திற்கு தேவையான மேசை, வாங்குகளை பெற்றுக்கொடுக்க உதவியுள்ளார்.

‘நல்லார் ஒருவர் உளரேல் அவர் பொருட்டு எல்லோர்க்கும் பெய்யும் மழை’

கடந்த வாரம் திரு.குருபரன் சுப்பிரமணியம் அவர்களது பிறந்தநாளையொட்டி ‘மருதம்’ படிப்பகத்தில் கல்வி பயிலும் மாணவ மாணவிகளிற்கு கற்றல் உபகரணம் வழங்கப்பட்டதை இந்த முகநூல் ஊடாக தெரிவிக்கப்பட்டது. அதன்போது எடுத்து வரப்பட்ட புகைப்படங்கள் ஊடாக ‘மாணவர்கள் ஏன் நிலத்தில் இருந்து படிக்கிறார்கள்..?’ என்ற கேள்வியை கேட்டுக்கொண்ட தன்னார்வம் மிக்கவரும் காரைநகர் பத்தர்கேணியை சேர்ந்தவருமான தனது பெயர் குறிப்பிடவிரும்பாத அன்பர் ஒருவர் உடனடியாக அவர்களிற்கு தேவையான மேசை, வாங்குகளை பெற்றுக்கொடுக்க உதவியுள்ளார்.

‘நல்லவற்றை அன்றே செய்’ என்பதற்கு இணங்க நேற்றைய தினம் தொடர்பு கொண்டார் இன்றைய தினம் ஐந்து சோடி வாங்கு மேசைகள் வந்திறங்கின.

காரைநகர் கல்லந்தாழ்வு, பெரியடைப்பு, வேரப்பிட்டி மாணவர்களின் மேலதிக கற்றல் வகுப்புகளிற்காக ‘மருதம்’ படிப்பகம் இந்த ஆண்டு மார்ச் மாதம் திரு.குருபரன் சுப்பிரமணியம் அவர்களால் ஆரம்பித்து வைக்கப்பட்டது. அவருடைய சொந்த முயற்சியாலும் இன்னும் பலரது முயற்சிகளினாலும் ஸ்தாபிக்கப்பட்ட போதிலும் நம்பிக்கைக்கு உரிய வகையில் இதன் நடைமுறை செலவுகள், ஆசிரியர் சம்பளம் என்பன காரைநகர் அபிவிருத்தி சபை ஊடாகவே வழங்கப்பட்டு வருகின்றது. ‘மருதம்’ படிப்பகத்திற்கான உதவிகளை வழங்க எவர் தொடர்பு கொண்டாலும் அவர்களது உதவிகள் அனைத்தும் ‘காரைநகர் அபிவிருத்தி சபை’ நிர்வாகத்தின் ஊடாகவே பெறப்பட்டு செலவு செய்யப்படுகின்றன என்பது அறிந்து கொள்ளப்பட வேண்டியதாகும்.

திரு. குருபரன் சுப்பிரமணியம் அவர்களது கை மிகவும் சுத்தமானதாக இருந்தாலும் ‘கதை கட்ட ஒருவன் வந்துவிட்டால் கண்ணகி வாழ்விலும் களங்கம் தான்’ என்பதற்கு இணங்க காரைநகர் அபிவிருத்தி சபை ஊடாகவே ‘மருதம்’ படிப்பகம் நிர்வகிக்கப்பட்டு வருகின்றது.

‘மருதம்’ படிப்பகத்திற்கு பலர் தாமாக முன்வந்து உதவிகளை செய்து வருகின்றமையும் ‘எனது ஊர் காரைநகர்’ மாதாந்தம் ரூபா 10,000 வீதம் அடுத்து வரும் இரண்டு ஆண்டுகளிற்கு கடந்த May 05 முதல் வழங்கி வருவதும் ‘காரைநகர் அபிவிருத்தி சபை’ வங்கி கணக்கிற்கு மாதாந்தம் 5ம் திகதி standing order மூலம் அனுப்பப்பட்டு வருவதும் பெருமையுடன் சொல்லிக்கொள்கிறேன்.

கல்விக்காக செலவு செய்யப்படும் நிதி செலவு அல்ல, மூலதனம்.

காரைநகர் அபிவிருத்தி சபை ஊடாக ‘மருதம்’ படிப்பகத்திற்கான உதவிகளை வழங்க செயலாளர் திரு. பொ.பரந்தாமன் Tel:011 94 77 070 3356, அல்லது பொருளாளர் திரு.வே.செல்வராசா Tel: 011 94 76 797 8529 என்ற இலக்கத்திலோ அல்லது காரைநகர் அபிவிருத்தி சபை காரியாலயம் Tel: 021 221 1757 என்ற இலக்கத்திலோ தொடர்பு கொண்டு மேலதிக தகவல்களை பெற்றுக்கொள்ளலாம். நன்றி