17.11.2026 இன்று காரைநகர் பிரதேச சபையில் இடம்பெற்ற தவிசாளர் தெரிவில் மான் சின்னத்தில் போட்டியிட்ட தமிழ் மக்கள் கூட்டணி உறுப்பினர் திரு. கணேசபிள்ளை பாலச்சந்திரன் அவர்கள் கடவுளால் தவிசாளராக தெரிவு செய்யப்பட்டுள்ளார்.
கடவுளின் தீர்ப்பே இறுதியானது.
17.11.2926 இன்று செவ்வாய்கிழமை காரைநகர் பிரதேச சபையில் அங்கம் வகிக்கும் ஆறு அணிகளை சேர்ந்த 10 பிரதேச சபை உறுப்பினர்களும் தமிழ் மக்கள் கூட்டணிக்கு(மான் சின்னம்) வாக்களித்த அதிசயம் நடைபெற்றுள்ளது.
சுயேட்டை அணி(வண்டில்), தமிழ் மக்கள் கூட்டணி(மான்), தமிழ் மக்கள் பேரவை( சைக்கிள்) ஆகிய மூன்று அணிகளும் இணைந்து காரைநகர் பிரதேச சபையில் ஆட்சியை பகிர்ந்து கொள்ள போடப்பட்ட ஒப்பந்த பிரகாரம் இன்று தவிசாளர் தெரிவு இடம்பெற்றது.
மான் கட்சி தீர்மானித்ததை விடவும் ஐக்கிய தேசிய கட்சி பிரதேச சபை உறுப்பினர்கள் இருவரும் மான் கட்சியை சேர்ந்த மற்றொருவரை பிரேரித்தும் ஆமோதித்தும் மான் கட்சிக்குள் பிழவை ஏற்படுத்த எடுத்த முயற்சியில் பிரதேச சபையில் அங்கம் வகித்த மொத்த 10 உறுப்பினர்களும் மான் கட்சிக்கே வாக்களிக்க வேண்டிய கட்டாய சூழ்நிலை ஏற்பட்டிருந்தது. இது மான் கட்சிக்கு கிடைத்த பெரும் வெற்றியாகவே கருத வேண்டும்(இது தான் உண்மை).
ஆனாலும் மான் கட்சிக்குள் பிழவை ஏற்படுத்த முயன்றவர்கள் மான் கட்சிக்கு பெரும் வெற்றியை தேடிக்கொடுத்துள்ளார்கள்.
ஆனாலும் பிரிவினையை ஏற்படுதுவதற்காக தமது கட்சிகளிற்கே ‘துரோகம்’ இழைத்ததுடன் கட்சிகளின் ஒழுக்காற்று நடவடிக்கைகளிற்கும் உள்ளாக்கப்படுவதற்கு சுயேற்சை அணியை சேர்ந்த ஒருவரும், தமிழ் தேசிய கூட்டமைப்பை சேர்ந்த ஒரு உறுப்பினரும், மான் கட்சியை சேர்ந்த ஒருவரும் உள்ளாக்கப்படலாம். தமது கட்சிகளிற்கு துரோகம் இழைத்தும் தமது உறுப்பினர் பதவிகளை இழந்தாலும் கட்சி நடவடிக்கைகள் எடுக்கப்பட்டாலும் பரவாயில்லை என நினைத்தவர்கள் அனைவரும் மான் கட்சிக்கே அனைவரும் வாக்களித்ததுடன் இறுதியில் கடவுளின் கைகளால் தீர்ப்பும் எழுதப்பட்டுள்ளது.
17.11.2026 இன்று காரைநகர் பிரதேச சபையில் இடம்பெற்ற தவிசாளர் தெரிவில் மான் சின்னத்தில் போட்டியிட்ட தமிழ் மக்கள் கூட்டணி உறுப்பினர் திரு. கணேசபிள்ளை பாலச்சந்திரன் அவர்கள் கடவுளால் தவிசாளராக தெரிவு செய்யப்பட்டுள்ளார்.(இதை இப்படித்தான் சொல்ல வேண்டும்).
திரு. கணேசபிள்ளை பாலச்சந்திரன் அவர்கள் கடந்த காலத்திலும் அமரர் கேதீஸ்வரதாசன் விஜயதர்மா அவர்களது மறைவிற்கு பின்னர் காரைநகர் தவிசாளராக பணியாற்றியவர் என்பதும், அரசியலில் இரண்டு தசாப்தங்களிற்கு மேலாக காரை மக்களிற்கான பணிகளை முன்னின்று
செயற்படுத்தி வருபவர் என்பதும் குறிப்பிடத்தக்கது.
வாழ்த்துக்கள் திரு. கணேசபிள்ளை பாலச்சந்திரன் அவர்களே. கடவுள் என்றும் உங்களோடு துணை நிற்கவும் தங்களது பணி சிறக்கவும் எல்லாம் வல்ல ஆண்டி கேணி ஐயனும் சிவகாமசுந்தரி சமேத சுந்தரேஸ்வரப்பெருமானை வணங்கி மகிழ்கிறேன்.


Leave a Reply
You must be logged in to post a comment.