Dr. பாபு பாலகிருஸ்ணன் – 10.10.2026

தோழனாக இணைந்த உறவே.. நண்பனாக பழகிய தருணங்கள் பல… வைத்தியனாக யாழ்ப்பாணம், மன்னார், அவுஸ்திரேலியா என எங்கு சென்றாலும் ‘அபி அக்கா’ என்று எங்கிருந்தாலும் உன் குரல் கேட்டுக்கொண்டே இருந்தது.

2013இல் உன் திருமணமும் உபசரிப்பும் நேற்று போல் உள்ளதே. தாய் கொண்டு வந்தவனை நோய் கொண்டு போனதோ..! வாழும் வயதில் நினைவாக போனாயோ..!

சண் மாஸ்ரரின் கனவை நிஜமாக்கி வைத்தியனாக உயர்ந்தவனே… அன்பான மனைவியும் அருமையான குழந்தையும் அருகிருக்க வைத்தியனாக நற்பண்புகள் நிறைந்திருக்க காரணம் எதுவும் இன்றி நோயாலே கொண்டு சென்றானோ..! ‘பாபு’ என்னும் கம்பீரம் நினைவோடு நிறைந்திருக்கும்.

சென்று வா தோழா… சென்று வா நண்பா… சென்று வா உறவே..!

Dr. பாபு பாலகிருஸ்ணன் (கரணவாய் தெற்கு, கரவெட்டி) (எனது மனைவி அபிராமியின் முறைமச்சன்) சுவாசப்பை படிப்படியாக செயலிளந்து சென்ற போது இந்தியா தமிழ்நாட்டில் மாற்று அறுவைச்சிகிச்சைக்காக காத்திருந்தவேளை தமிழ்நாடு தேனாம்பேட்டை இல்லத்தில் 10.10.2026 இரவு 10.30 மணியளவில் சுவாசம் தன்னை நிறுத்திக்கொண்டது.

அன்னாரது புகழுடல் கொழும்பில் அஞ்சலிக்காக வைக்கப்பட்டு பின்னர் சொந்த ஊரில் இறுதிக்கிரியைகள் நடைபெறும். நாள் திகதி பின்னர் அறிவிக்கப்படும்.