நாள் : Tuesday, November 17, 2026
--:--:--
👁️
Divisional Secretariat Karainagar

இரண்டாம் தவணை தவிசாளர் தெரிவு 17.11.2026 செவ்வாய்கிழமை காலை 9.30 மணிக்கு நடைபெறவுள்ளது.

காரைநகர் பிரதேச சபை தேர்தல்…!

இரண்டாம் தவணை தவிசாளர் தெரிவு 17.11.2026 செவ்வாய்கிழமை காலை 9.30 மணிக்கு நடைபெறவுள்ளது.

காரைநகரில் அரசியல் நாகரீகம் பேணப்படும்.

ஆறு அணிகள் போட்டியிட்டு, மூன்று அணிகள் ஏற்படுத்திக்கொண்ட ஒப்பந்தம் தொடரவும், காரை மக்கள் அரசியலிலும் மேம்பட்டவர்கள் என்பதனையும் கொடுத்த வாக்கும் சொன்ன சொல்லுக்கும் மதிப்பளிப்பவர்கள் என்பதனை மீண்டும் ஒருமுறை கட்சி பேதங்கள் இன்றி காரை மக்கள் சார்பாக அரசியலுக்கும் அப்பாற்பட்டு ஆறு அணிகளும் ஒருமித்து பயணிக்கும் வகையில் தமிழ் மக்கள் கூட்டணி ( மான் கட்சி) சார்பில் முன்னாள் யாழ் மாநகர சபை முதல்வரும் யாழ் மாவட்ட தமிழ் மக்கள் கூட்டணியின் பொறுப்பாளருமாகிய திரு. வி. மணிவண்ணன் அவர்கள் காரைநகர் மக்களிற்கும் தனது கட்சி உறுப்பினர்களிற்கும் கட்சியின் சார்பில் தமது நல்லெண்ணத்தை பதிவு செய்துள்ளார்.

சிந்தனையும் செயற்பாடும் காரை மக்களின் நலனில் அக்கறையுடன் அரசியல் மூலம் ஊர்ப்பணி புரிபவர்கள் முழுமையாக விளங்கிக்கொள்வார்கள்.

மக்களிற்கான சேவையே பிரதேச சபையில் ஊர்ப்பணி.

கட்சிகளிற்கு அப்பால் காரைநகர் மக்கள் கொடுத்த வாக்கையும் நம்பிக்கையையும் காப்பாற்ற வேண்டிய பொறுப்பு ஆறு அணிகளிற்கும் உண்டு.

இதோ திரு. வி.மணிவண்ணன் அவர்கள் விடுத்துள்ள அறிக்கை வருபாறு;

காரைநகர் பிரதேச சபை – தவிசாளர் தெரிவு தொடர்பான எமது நிலைப்பாடு

காரைநகர் பிரதேச சபையின் ஆட்சி அதிகாரம் தொடர்பாக ஆரம்பத்தில் ஏற்பட்ட அரசியல் இழுபறியை முடிவுக்குக் கொண்டுவருவதற்காக சட்டத்தரணி ஸ்ரீகாந்தா அவர்களின் முயற்சியினால் மூன்று அணிகளுக்கிடையில் ஓர் அதிகாரப் பகிர்வு இணக்கம் ஏற்படுத்தப்பட்டது.

அந்த இணக்கத்தின் அடிப்படையில் 48 மாத நிர்வாகம் மூன்று பதவிக்காலங்களாகப் பிரிக்கப்பட்டு, ஒவ்வொரு காலப்பகுதியிலும் வெவ்வேறு சமூகங்களைச் சேர்ந்தவர்களுக்கு தலைமைத்துவ வாய்ப்பு வழங்கப்பட வேண்டும் என்ற உயரிய நோக்கம் முன்வைக்கப்பட்டது.

அதன் அடிப்படையில் முதல் 16 மாதங்கள் நிறைவடைந்துள்ள நிலையில், இரண்டாவது 16 மாதங்களுக்கான தவிசாளர் பதவி தமிழ் மக்கள் கூட்டணிக்கு ஒதுக்கப்பட்டுள்ளது.

கட்சியின் முறையான தீர்மானத்தின் அடிப்படையில் திரு. கணேசபிள்ளை பாலச்சந்திரன் அவர்கள் தவிசாளர் வேட்பாளராக முன்மொழியப்பட்டுள்ளார்.

கட்சிக்குள் ஒற்றுமை நிலவ வேண்டும் என்ற உயரிய நோக்கத்திற்காக, தனது பதவிக்காலத்தின் எட்டு மாதங்களுக்குப் பின்னர் திரு. விஜயராசா அவர்களுக்கு வாய்ப்பளிப்பதற்கும் பாலச்சந்திரன் அவர்கள் இணக்கம் தெரிவித்துள்ளார்.

இத்தகைய விட்டுக்கொடுப்பைச் செய்த ஒருவரிடம் மீண்டும் மீண்டும் விட்டுக்கொடுப்பைக் கோருவது எந்த வகையில் நியாயமானது?

இது தனிநபர் பதவிப் போட்டி அல்ல. கட்சியின் தீர்மானத்தையும், அரசியல் இணக்கத்தையும், சமூகங்களுக்கிடையிலான பிரதிநிதித்துவத்தையும் பாதுகாக்க வேண்டிய பொறுப்பாகும்.

எமது கட்சிக்குள் நிலவும் கருத்து வேறுபாடுகளைப் பயன்படுத்தி வெளியில் உள்ள அரசியல் சக்திகள் கட்சியைப் பலவீனப்படுத்துவதற்கு நாம் ஒருபோதும் இடமளிக்கக்கூடாது.

விஜயராசா அவர்களையும் எமது அரசியல் குடும்பத்தின் ஓர் உறுப்பினராகவே மதிக்கின்றோம். அவருடைய அரசியல் எதிர்காலத்திற்கும் உரிய மரியாதை வழங்கப்பட வேண்டும்.

ஆனால் கட்சியின் உத்தியோகபூர்வ முடிவுகளையும், ஏற்கனவே செய்யப்பட்ட இணக்கங்களையும் தனிநபர் விருப்பங்களுக்காக மாற்ற முடியாது.

எனவே, கட்சியின் தீர்மானத்தின்படி திரு. கணேசபிள்ளை பாலச்சந்திரன் அவர்களைத் தவிசாளராகத் தெரிவுசெய்து, கட்சியின் ஒற்றுமையையும் காரைநகர் மக்களின் நலனையும் பாதுகாக்குமாறு அனைவரையும் கேட்டுக்கொள்கின்றோம்.

ஒற்றுமையே எமது பலம்.

நியாயமே எமது நிலைப்பாடு.

மக்கள் நலனே எமது இலக்கு.

தமிழ் மக்கள் கூட்டணி சார்பாக

வி. மணிவண்ணன்

Leave a Reply

மேலதிக செய்தி | More News & Related Stories

17.11.2026 இன்று காரைநகர் பிரதேச சபையில் இடம்பெற்ற தவிசாளர் தெரிவில் மான் சின்னத்தில் போட்டியிட்ட தமிழ் மக்கள் கூட்டணி உறுப்பினர் திரு. கணேசபிள்ளை பாலச்சந்திரன் அவர்கள் கடவுளால் தவிசாளராக தெரிவு செய்யப்பட்டுள்ளார்.

கடவுளின் தீர்ப்பே இறுதியானது. 17.11.2926 இன்று செவ்வாய்கிழமை காரைநகர் பிரதேச சபையில் அங்கம் வகிக்கும் ஆறு அணிகளை சேர்ந்த...

நம்பிக்கைகளும் மூடநம்பிக்கைகளும்…!

நம்பிக்கைகளும் மூடநம்பிக்கைகளும்…! இன்று ‘Friday 13’ Nov 2026..! தமிழர்களாகிய நாம் தான் நம்பிக்கைகளையும் மூடநம்பிக்கைகளையும் கொண்டிருக்கிறோம் என்று...

ஜனாதிபதி நாட்டுக்கானவர். ஜனாதிபதி போல ஒருசில பிரதேச உறுப்பினர்கள் கனவில் வாழ்ந்திருக்கிறார்கள்.

ஜனாதிபதி நாட்டுக்கானவர். ஜனாதிபதி போல ஒருசில பிரதேச உறுப்பினர்கள் கனவில் வாழ்ந்திருக்கிறார்கள். பிரதேச சபை உறுப்பினர்கள் தமது வீட்டுக்கான...

Advertisements

NSK Bus Booking Tel : 0777 290 605
NSK Bus Booking Tel : 0777 290 605
Coffee House : Tel : 0777 290 605
Coffee House : Tel : 0777 290 605