பொது அறிவித்தல் |2021

கனடா காரை கலாசார மன்றத்தினால் காரைநகர் பிரதேச வைத்தியசாலைக்கு வைத்திய உபகரணங்கள் வழங்கப்பட்டன:

ஒரு இலட்சத்து முப்பத்தினாலாயிரம் ரூபா பெறுமதியில் கோவிட் பரிசோதனைக்காக மாவட்ட அதிகாரிகளினால் வழங்க முடியாத உபகரணங்கள் வழங்கப்பட்டன. கடந்த ஆகஸ்ட் மாதம் காரைநகர் வைத்திய அதிகாரியினால் முன்வைக்கப்பட்ட கோரிக்கைக்கு அமைவாக அப்போதைய கனடா காரை கலாசார மன்றத்தின் உபதலைவர் திரு.ச.பாலச்சந்திரன் அவர்களால் மேற்படி உபகரணங்கள் வேண்டிக்கொடுக்கப்பட்டன.

தொடர்ந்து அதற்குரிய பணத்தினை காரைநகர் அபிவிருத்தி சபையினர் தனது தனிப்பட்ட வங்கி கணக்கிற்கு வைப்பு செய்யுமாறு காரைநகர் அபிவிருத்தி சபையினரிடம் கோரப்பட்டது. ஆனாலும் காரைநகர் அபிவிருத்தி சபையினர் மேற்படி வைத்தியசாலைக்கான கொள்வனவுக்கான ரசீது மற்றும் பற்றுச்சீட்டிற்கே பணத்தினை செலுத்த முடியும் எனவும் தனிப்பட்ட நபர்களின் வங்கி கணக்கிற்கு காரைநகர் அபிவிருத்தி சபை பணத்தினை வைப்பு செய்யமுடியாது எனவும் தெரிவித்ததையடுத்து மீண்டும் பற்றுச்சீட்டிற்கே பணம் வழங்கியதாக காரைநகர் அபிவிருத்தி சபை நிர்வாகம் மூலம் அறியமுடிகின்றது.

கனடா காரைகலாசார மன்றத்தினால் 2018ம் ஆண்டுக்கு முன்னர் இருந்த நிர்வாக சபைகளினால் ஹட்டன் நாஷனல் வங்கியில் பாடசாலைகள் மற்றும் கல்விக்கான நிதி வைப்பாக நிரந்தர வைப்பில் இடப்பட்ட 50 இலட்சம் ரூபாகள் மூலம் பெறப்படும் வட்டி பணம் நேரடியாக காரைநகர் அபிவிருத்தி சபையின் வங்கிக் கணக்கிற்கு வைப்பில் இடப்பட்டு வருவதும், அதன் மூலமே இதற்கான நிதி காரைநகர் அபிவிருத்தி சபை மூலம் வழங்கப்பட்டதும் குறிப்பிடத்தக்கது.