நம்பிக்கைகளும் மூடநம்பிக்கைகளும்…!
நம்பிக்கைகளும் மூடநம்பிக்கைகளும்…!
இன்று ‘Friday 13’ Nov 2026..!
தமிழர்களாகிய நாம் தான் நம்பிக்கைகளையும் மூடநம்பிக்கைகளையும் கொண்டிருக்கிறோம் என்று இதுவரை நீங்கள் நம்பிக்கொண்டிருந்தால் அதனை இப்போதே தூக்கி எறிந்துவிடுங்கள்.
உலகம் முழுவதிலும் உள்ள நாடுகளில் காலம் காலமாக பலவிதமான நம்பிக்கைகள் உள்ளன.
இதனை கனடா ரொறன்ரோவில் உள்ள நூலகத்தில் இருந்து எனது மகள் ஒரு புத்தகம் எடுத்து வந்திருந்தார். அந்த நூலினை முழுமையாக படித்துவிட வேண்டும் என்கிற ஆர்வம் வந்துவிட்டது. காரணம் உலகம் முழுவதும் உள்ள நாடுகளில் மக்கள் எவ்வாறான நம்பிக்கைகளை கொண்டுள்ளார்கள் என்பதனையும் அதில் எத்தனை வகையானவற்றை தமிழ் மக்களும் நம்புகிறார்கள் என்பதும் என்னால் அறிந்து கொள்ளப்படுவதோடு இந்த நூலின் ஆசிரியராலும் ஒவ்வொரு நம்பிக்கைகளும் எந்தெந்த நாடுகளில் உள்ள மக்கள் நம்புகிறார்கள் என்கிற விடயமும் தெருந்து கொள்ளலாம்.
சரி… சிலவற்றை பார்க்கலாம்.
‘Friday 13’ மேற்கத்தைய நாடுகளில் 80% விகிதமானவர்கள் இந்த நாளை மிகமோசமான நாளாகவும் அவதானத்துடன் கூடியவகையிலும் பார்க்கிறார்கள். 13ம் நம்பர் என்பதும் unlucky நம்பர் என்பதை இவர்கள் கருதுகிறார்கள். மேற்கத்தைய நாடுகளில் 13ம் நம்பர் பல இடங்களிலும் தவிர்க்கப்பட்டுள்ளது. ஒவ்வொரு வீதி தெருக்களிலும், தொடர்மாடி வீடுகளிலும், hotel room களிலும் 12க்கு அடுத்ததாக 14 உள்ளது. ஆனாலும் கனடாவில் British Colombia மாகாணத்தில் வன்கூவர் நகரத்திலும், பிரித்தானியா Scotland இல் Edinburgh நகரத்திலும் இதற்கு தடைவிதித்து 13ம் இலக்கம் நடைமுறைப்படுத்தப்பட்டுள்ளதாம்.
தமிழர்கள் நாம் நம்புவதைப்போல் உலகின் மற்றைய பல நாடுகளிலும் நம்பப்படும் சில நம்பிக்கைகளையும் அறிந்து கொள்ளுங்கள்.
1. உள்ளங்கை கடித்தல் – சில நாடுகளில் வலது கை, இடது கை தொடர்பில் மட்டும் வேறுபடுகின்றது.
2. வீட்டுக்குள்ளே குடை விரித்தல்
3. பூனை குறுக்கே போதல்
4. புதுமனை புகுவிழாவில் ‘உப்பு’ கட்டாயம் கொண்டு செல்ல வேண்டும்.
5. இரவில் நகம் வெட்டுதல்
இந்த நூலில் உள்ள பல நம்பிக்கைகளும் உள்ளடக்கத்தில் உள்ளனவற்றை அறிந்து கொள்ளுங்கள்.
அதிலும் எமது ஊரிற்கு பொருத்தமாக நல்லதாக சொல்லப்படும் ஒரு நம்பிக்கை என்னவெனில்.
நாம் எங்காவது பயணித்துக்கொண்டிருக்கும் போது ‘வைக்கோல் ஏற்றிய வாகனம்’ நேர் எதிரே வந்தால் மிகமிக சிறப்பாகும் என்றும் ஆனாலும் தூரே எங்காவது கண்டாலும் போகிற காரியம் வெற்றியாக அமையுமாம்.
எனவே தமிழர்களாகிய எமக்கு தான் நம்பிக்கைகளும் மூட நம்பிக்கை அதிகம் என்று நினைக்காதீர்கள். இன்று கனடாவில் ஆங்கில வானொலிகள் மற்றும் தொலைக்காட்சிகளிலும் இன்றைய ‘Friday 13th’ தொடர்பாக கதைக்காமல் கடந்து செல்லவில்லை.









Leave a Reply
You must be logged in to post a comment.