காரைநகர் நீலிப்பந்தனை ஶ்ரீ துர்காதேவி அம்பாள் ஆலய திருப்பணி தொடர்பான அறிவித்தல்.! 19.11.2026.
காரைநகர் நீலிப்பந்தனை ஶ்ரீ துர்காதேவி அம்பாள் ஆலய திருப்பணி தொடர்பான அறிவித்தல்.! 19.11.2026.
2026.07.06 அன்று ஆலய முன்றலில் ஆதீனகர்த்தா திருமதி சோமசேகரம்பிள்ளை செல்வராணி அவர்களால் கூட்டப்பட்ட கலந்துரையாடலில்… நீலிப்பந்தனை ஶ்ரீ துர்க்கை அம்பாளிற்கான கும்பாபிஷேகம் அடுத்த ஆண்டு(2027) நடாத்துவதற்கும் அதற்குரிய திருப்பணி வேலைகளை தொடங்குவதாகவும் தெரிவித்திருந்தார்.
அதற்காக திருப்பணி வேலைகளின்போது ஆதீனகர்த்தா திருமதி. சோ. செல்வராணி அவர்களிற்கு உடந்தையாக பண்டிதர் மு. சு. வேலாயுதபிள்ளை, திரு. சுப்பிரமணியம் மோகன்ராஜ், திரு.குமாரவேலு றமேஸ்குமார், திரு.சி.திருக்குமார் மற்றும் பலரும் கலந்து கொண்டவர்களினால் சிபார்சு செய்யப்பட்டார்கள்.
2027 இல் கும்பாபிஷேகத்தை நடாத்துவதற்கு ஏற்ற வகையில் மேற்கொள்ளப்பட வேண்டிய திருப்பணி வேலைகள் மற்றும் அவற்றிற்கான உத்தேச நிதி தேவைகளை ஆதீனகர்த்தா தலைமையிலான குழு 03.11.2026 அன்று அறிவித்துள்ளது.
புதிதாக முகப்பு வாயில் மொட்டைக்கோபுரம் 23 இலட்சம், தெற்கு மண்டபம்(எழுந்தருளி வரை) 63 இலட்சம், வடக்கு மண்டபம்( அபிஷேக கிணறு வரை) 79 இலட்சம் ரூபா செலவுகளிலும் அமைக்கப்படவுள்ளன. மேலும் முழுமையான விபரம் அடங்கிய திருப்பணி விஞ்ஞாபனம் கீழே இணைக்கப்பட்டுள்ளது.
அண்ணளவாக இரண்டு கோடிகள் ரூபா செலவில் மேற்கொள்ளப்படவுள்ள திருப்பணி வேலைகள் விபரமாக தரப்பட்டுள்ளன. அத்துடன் 06.07.2026 அன்று நடைபெற்ற கலந்துரையாடல் மூலமும் அதன் பின்னராக விபரம் அறிந்து அம்பாள் அடியவர்கள் சிலரும் தமது உபயமாக ஒரு கோடி ரூபாய்களிற்கும் மேற்படியான திருப்பணிகளை இதுவரை பொறுப்பெடுத்துள்ளார்கள் என்பதுவும் அம்பாள் அடியவர்கள் அறிந்து கொள்ளப்படவேண்டும்.




ஆதீனகர்த்தா தலைமையில் திருப்பணிகளை முன்னெடுக்கும் குழுவானது 24.11.2026 இந்த மாதம் இன்னும் சில நாட்களில் திருப்பணி வேலைகளை ஆரம்பிக்கவுள்ளதாகவும் மேலும் அம்பாள் அடியவர்கள் தங்களது பங்களிப்புகளை வழங்கி துர்க்கை அம்பாளின் அருட்கடாட்சத்தினை பெற்றுக்கொள்ளுமாறு கேட்டுக்கொள்கிறார்கள்.
முதல்கட்டமாக ஐந்து இலட்சத்திற்கும் மேற்பட்டளவில் அம்பாளின் திருப்பணிகளிற்காக இதுவரை வழங்க முன்வந்தவர்கள் விபரம் வருமாறு:
திரு கணேசலிங்கம் அருளம்பலம் ரூ 25 000 00.00
திரு. பிரமேந்திரதீசன் திரவியதாதன் ரூ 10 000 00.00
திரு. வரன் (இரசாதுரை குடும்பம் )ரூபா 10 000 00.00
திரு சண்முகநாதன் சண்முகராசா (ராஜ்) குறிக்கப்பட்ட
ஒரு வேலையை நிறைவேற்றல்
திருமதி பிறேமளகுமாரி((ராஜி) பிரபாகரன் குடும்பம்
10 000 00.00
திரு அருளையா சிவபாதசுந்தரம் குடும்பம்
குறிக்கப்பட்ட ஒரு வேலையை நிறைவேற்றல்.
ஆதீனகர்த்தாவின் தலைமையின் கீழ் திருப்பணிகளில் ஈடுபட்டுவரும் குழுவினரினரிற்கு உத்வேகமும் 2027 இல் அம்பாள் குடமுழுக்கு காணும் வகையிலும்… மிகவேகமாக மாறுபட்டுவரும் பொருளாதார சூழ்நிலையில் உத்தேச மதிப்பீட்டுக்கு அமைவாக திருப்பணி வேலைகளை நிறைவேற்றி முடிக்கவும் நீலிப்பந்தனை அம்பாளின் அடியவர்களில் ஒருவனாக இடம்பெயர்ந்து வாழும் துர்க்கை அம்பாளின் நூறு அடியவர்கள் மூலம் தலா ஒரு இலட்சம் ரூபாய்கள் மூலம் வழங்கி இத்திருப்பணியை நிறைவேற்றி 2027 இல் குடமுழுக்கினை கண்டு பேரின்ப பெருவாழ்வு பெற ‘எனது ஊர் காரைநகர்’ ஊடாக வேண்டுகிறேன்.
குறைந்த பட்சம் தலா ஒரு இலட்சம் ரூபா வழங்கவும் அதற்கு அமைவாக இதுவரை 100க்கும் மேற்பட்ட அடியவர்களிற்கு விபரம் அனுப்பப்பட்டுள்ளதுடன் பல அடியவர்களும் அம்பாளின் குடமுழுக்கினை 2015ம் ஆண்டுக்கு பின்னர் மீண்டும் 2027 இல் கண்டு களிக்க தயாராகவுள்ளார்கள் என்பதும் அறிந்து கொள்ளத்தக்கது.
அம்பாளின் கும்பாபிஷேக நிறைவின் பின்னர் முழுமையான வரவு செலவு கணக்கறிக்கை ஆதீனகர்தாவினாலும் அவர் தம் குழுவினராலும் வெளியிடப்படும் என்பதனையும் அனைத்தையும் பொதுவெளியில் அடியவர்கள் அறிந்து கொள்ளும் வகையில் தெரியப்படுத்தப்படும் என்பதனையும் இத்தாழ் உறுதிப்படுத்திக்கொள்கிறேன்.
‘எனது ஊர் காரைநகர்’ தீசன் திரவியதாதன் மேற்படி அம்பாளின் திருப்பணி குழுவில் அங்கம் வகிக்கவில்லை என்பதுடன் திருப்பணிக்காக நிதி சேகரிக்கவில்லை என்பதும் நீங்கள் அறிந்து கொள்ள வேண்டியதுடன் நேரடியாக அம்பாளின் திருப்பணிகளிற்கான உதவிகளை வழங்க தொடர்பு கொள்ள வேண்டிய விபரமும் வங்கி கணக்கு இலக்கமும் தரப்பட்டுள்ளது.
ஆதீனகர்த்தா:
திருமதி செல்வராணி சோமசேகரம்பிள்ளை:
+ 94 773 763 417
திரு. சு. மோகன்ராஜ் : + 94 716 807 284
திரு. சி. திருக்குமாரன்: + 94 776 157 110
வங்கி கணக்கு விபரம்:
சி. திருக்குமாரன்/ சு. மோகன்ராஜ்
கணக்கு இலக்கம்: 0096719352
இலங்கை வங்கி, காரைநகர்

Leave a Reply
You must be logged in to post a comment.