பிரதேச சபை, பிரதேச செயலகங்களின் முக்கியத்துவத்தை மக்கள் அறிந்து கொள்வது அவசியம்.
பிரதேச சபை, பிரதேச செயலகங்களின் முக்கியத்துவத்தை மக்கள் அறிந்து கொள்வது அவசியம்.
மத்திய அரசோ அல்லது மாகாண அரசோ கொழும்பில் இருந்து கொண்டு கடைக்கோடி காரைநகரின் தேவைகளை அறிந்து நிதி ஒதுக்குவதோ அல்லது திட்டங்களை தேடிக்கண்டு பிடித்து நிதி உதவி வழங்குவது இல்லை. அதற்காகத்தான் பிரதேச செயலகத்தையும் பிரதேச சபையையும் அரசை இயக்குவதற்கான அரச இயந்திரமாக மத்திய அரசு இயக்கி வருகிறது. அது மட்டுமன்றி மாகாண அரசு என்கிற அரச நிர்வாகமும் இயக்கப்பட வேண்டும். ஆனால் பதவிக்கு வருவதற்கு முன்னர் மாகாண சபையையும் இயக்குவோம் என்று கூறிய அரசுகள் ஆட்சிக்கு வந்ததும் மாகாண சபைகளை இயக்குவதற்கு பின்னிற்பதற்கான காரணங்கள் உண்டு.
இதோ காரைநகர் அதற்கான உதாரணம். மாகாணசபை இயக்கப்பட்டால் மாகாண சபைகள் ஊடாகவே பிரதேசங்களிற்கான அபிவிருத்திகள், திட்டங்களிற்கான நிதி ஒதுக்கப்படும். ஆனால் ஆட்சி அமைக்கின்ற அரசுகள் மாகாண சபைகளிலும் வெற்றி பெறுமா என்கிற பெரும் சந்தேகம் உண்டு. குறிப்பாக வடக்கிலும் கிழக்கிலும் தமது உறுப்பினர்கள் வெற்றி பெறுவார்களா என்கிற சந்தேகம் மத்திய அரசிற்கு உண்டு.
தாமே நேரடியாக வடக்கிலும் கிழக்கிலும் மட்டுமல்ல முழு இலங்கை பூராவும் நடைபெறும் அபிவிருத்திகள் திட்டங்களிற்கான நிதி உதவியை வழங்கினோம் என்கிற பெயரும் விளம்பரமும் ஆட்சியில் உள்ள எல்லா மத்திய அரசிற்கும் உண்டு.
ஆனால் அபிவிருத்தி பணிகளும் திட்டங்களும் பிரதேச செயலகங்களினாலும் பிரதேச சபைகளினாலும் மட்டுமே முதலில் அடையாளம் காணப்படுகின்றன. பின்னர் மாவட்ட ஆணையாளர் கவனத்திற்கு கொண்டு செல்லப்படுகின்றன.
யாழ் மாவட்டத்தின் MP க்களாக இருப்பவர்கள் காரைநகரின் சுற்றுவட்ட வீதியின் முக்கியத்துவத்தை அறியாமல் இருந்தால் அதன் முக்கியத்துவத்தை அந்த MP இடம் முன்வைக்க வேண்டியவர்கள் பிரதேச சபையும் பிரதேச செயலகமும், பிரதேச மக்களும் தான்.
காரைநகரின் முக்கியத்துவத்தை அறிந்தும் கடந்த 20 ஆண்டுகள் MP க்களாக இருந்தவர்கள் காரைநகர் மக்களையும் நன்கு அறிந்தவர்கள். அதனால் பல திட்டங்களிற்காக கோடி கோடியாக பணம் ஒதுக்குகிறோம், ஒதுக்கினோம் என்று சொல்லிவிட்டு தமக்கான விளம்பரங்களை தேடிக்கொண்டார்கள். ஆனால் 90% விகிதமான கடந்த இருபது ஆண்டுகளாக ஒதுக்கப்பட்டதாக கூறப்பட்டு விளம்பரம் தேடப்பட்ட நிதிகள் காரைநகரிற்கு வந்தடைந்து சொல்லப்பட்ட திட்டங்கள் நிறைவேற்றப்படவில்லை என்பது தான் உண்மை.
காரை மக்கள் நல்லவர்கள், திரும்ப கேட்கவே மாட்டார்கள். ஏன்… எதற்காக என்று கேட்கமாட்டார்கள். கேட்டாலும் ஏதாவது ‘காரணம்’ கூறிவிடலாம். என்பதை அறிந்து கொண்டுள்ளார்கள். அதற்கும் மேலாக காரைநகர் மக்களிடம் இல்லாத பணமா… இல்லாதா அறிவா… இல்லாத பணக்காரர்களா… என்று காரை மக்களின் தலையிலேயே மொத்தமாக ஐஸ் வைத்து தப்பித்துக்கொள்வார்கள்.
மத்திய அரசின் திட்டத்திற்குள் வரும் RDA இன் யாழ்ப்பாணம் – காரைநகர் சுற்றுவட்ட வீதி உள்ளடங்கலாக கசூரினா கடற்கரை வரையான வீதி 1980 களில் பராளுமன்ற உறுப்பினராகவிருந்த கலாதிதி ஆ.தியாகராசா என்பவரினால் மத்திய அரசின் நிர்வாகத்திற்குள் கொண்டுவரப்பட்டது. ஆனாலும் இன்றுவரை முழுமை பெறாமல் யாழ்ப்பாணம்- காரைநகர் வீதியும் காரைநகர் சுற்றுவட்ட வீதியும் RDA இனால் புனரமைக்கப்பவில்லை என்றால் நிச்சயமாக அது மத்திய அரசின் அசண்டையீனமே, அதற்கு காரணம் அந்த கட்சிக்கான MPயும் அந்த கட்சி உறுப்பினர்களும் அந்த கட்சிக்காக குரல் கொடுப்பவர்களும் இன்னமும் இதன் முக்கியத்துவத்தை செயலளவில் கொண்டுவருமளவிற்கு உரியவர்களிற்கு புரிய வைக்கவில்லை என்பதே.
யாழ் நகரின் பல வீதிகள் பிரதேச சபைக்கு உட்பட்டிருந்தாலும் அவை உரிய முறையில் கார்ப்பற் வீதி கண்டு பல வருடங்கள் ஆகிவிட்டன. ஆனால் A9 வீதியின் ஒரு பகுதியாக கொழும்பு – காரைநகர் வரையான் வீதியின் வட்டுக்கோட்டை – பொன்னாலை வரையான வீதியே இன்றுவரை இழுத்துக்கொண்டிருக்கிறது. காரணம் என்ன.
கட்சி ஏதாவது நிதி ஒதுக்கினால் அதற்கு கட்சி விளம்பரம் தேடும் பலர் கடந்த காலங்களில் ஒதுக்கப்பட்ட நிதி மூலம் செய்து முடித்த வேலைகளை மக்களிற்கு சொல்லி உங்கள் கட்சிக்காக விளம்பரம் தேடினால் பயன் கிடைக்கும்.
செய்யாத வேலைகளிற்காக நிதி ஒதுக்கியதற்கும் அடுத்த கட்சியை சேர்ந்தவரை விமர்சித்தும் Ai மூலம் தயாரிக்கப்படும் பதாதைகள் மூலமும் ஊரையும் அரசியலையும் உங்களையும் நாசமாக்காதீர்கள்.
செய்த செயற்படுத்தி மக்கள் பயனடையும் செயற்பாடுகளை சொல்லுங்கள். பிரதேச சபையோ அல்லது பிரதேச செயலகம் ஊடான திட்டங்களோ முன்வைக்கப்பட்டால் மத்திய அரசு தான் நிதி ஒதுக்க வேண்டும் என்பதும் பிரதேச சபையோ அல்லது பிரதேச செயலகமோ பக்கத்து நாட்டிடம் போய் உதவி கேட்பது இல்லை என்பதையும் அறிந்து கொள்ளுங்கள்.





Leave a Reply
You must be logged in to post a comment.