வெட்கமாக இல்லையா…! நடந்தது என்ன.. இன்று காரைநகரில்…!காரைநகரில் இன்று 01.10.2026 வெள்ளிக்கிழமை அரசியல்வாதிகளும் அரசாங்க அதிகாரிகளும் சேர்ந்து தேர்தலுக்கு ஓட்டு சேர்ப்பது போன்று ஒரு photo shooting எடுத்துக்கொண்டார்கள்.

வெட்கமாக இல்லையா…! நடந்தது என்ன..

காரைநகரில் இன்று 01.10.2026 வெள்ளிக்கிழமை அரசியல்வாதிகளும் அரசாங்க அதிகாரிகளும் சேர்ந்து தேர்தலுக்கு ஓட்டு சேர்ப்பது போன்று ஒரு photo shooting எடுத்துக்கொண்டார்கள்.

காரைநகர் – யாழ்ப்பாணம் பிரதான வீதியாக விளங்கி வரும் 17 Km நூரம் கொண்ட கல்லுண்டாய் வீதி இ.போ.ச. 784 வழித்தடம் கடந்த 15 வருடங்களாக முழுமையாக செப்பனிடப்படவில்லை, அத்துடன் வருடந்தோறும் மாரி காலம் வந்தால் காரைநகர் சுற்று வட்ட (7 Km) வீதியின் சக்கலாவோடை மற்றும் நீலிப்பந்தனை கிராம வீதி நிலவரம் செய்திகளாக அனைத்து ஊடகங்களிலும் தவறாது வந்து கொண்டிருக்கிறது.

இந்த நிலையில் இந்த அரசும் தமக்கான பங்களிப்பை வழங்கும் வகையில் கடந்த வருடம் முதல் இன்று வரை மில்லியன் கணக்காக நிதி ஒதுக்கியிருக்கிறோம் என்றதும் மடத்துக்கரை அம்பாள் ஆலயம் முன்னாள் சப்பாத்து கால்களுடன் தேங்காய் அடித்து ஆரம்பித்து வைத்ததும் இன்று வரை பிரதான வீதியின் ஒரு அங்குலமும் செப்பனிடப்படாது உள்ள நிலையில் இன்று 01.10.2026 காரைநகர் பிரதேச சபை உறுப்பினர்களும் அரசியல் பிரமுகர்களும் அரச உத்தியோகத்தர்களும் களநிலவரம் செய்தார்களாம்.

அப்படியாயின் கட்ந்த 16 ஆண்டுகளாக அரச உத்தியோகத்தர்கள் வழங்கிய முன்னைய களநிலவரங்களிற்கு என்ன நடந்தது. அது மட்டுமல்ல கடந்த வருடமும் இந்த வருடமும் தற்போதைய அரசும் அரச உத்தியோகத்தர்கள் அவ்வப்போது வந்து வீதியிலே அங்கும் இங்கும் நடந்தும் வானத்தை நோக்கி கை காட்டியும் நடாத்திய photo shooting மூலம் பெற்றுக்கொண்ட அந்த reports எந்த office இல் உள்ளன..!

கட்சி பேரம் பாராது அனைத்து கட்சி பிரதேச சபை உறுப்பினர்களையும் கூட்டிக்கொண்டு இன்று நடைபெற்ற tramp @walk இன்னும் சில வாரங்களில் ஆரம்பமாகவுள்ள பருவகால மாரி மழைக்காலமும் மீண்டும் மீண்டும் இதோ இந்த ஆண்டும் வெள்ள நிலவரத்தில் காரைநகர் முதலிடம் பிடிக்கத்தான் போகிறது.

இன்று காரைநகர் வீதிகளில் tramp walk சென்ற அரசியல் பிரமுகர்களும் அரச உத்தியோகத்தர்களும் களநிலவரம் பற்றித்தான் ஆராய்தார்கள். ஆனால் எந்த முடிவும் சொல்லவில்லை. கடந்த காலங்களைப்போல் 5 மில்லியன், 10 மில்லியன், 25 மில்லியன், 50 மில்லியன், 120 மில்லியன் ரூபா ஒதுக்கியதாக எந்த வாக்குமூலமும் கொடுக்கவில்லை. அரசாங்கம் ஒதுக்கினால் பார்த்துக்கொள்ளலாம் என்றும், அடுத்ததாக ஒதுக்கும் பணத்தில் உங்களுக்குத்தான் முதலிடம் என்று நடைமுறைக்கு சாத்தியமில்லாத வாக்குறுதிகளுடன் புகைப்படம் எடுத்துக்கொண்டு புறப்பட்டார்கள்.

தயவு செய்து யாரும் நம்பி விடாதீர்கள். எதுவுமே நடக்க போவதில்லை. இன்று நடந்த tramp walk நிகழ்வை ஞாபகம் வைத்துக்கொள்ளுங்கள்… இன்னும் இரண்டு மாதத்தில் இவர்களே சொல்லும் காரணம் இதுவாகத்தான் இருக்கும் ‘ஈரானில் போர் முடியவில்லை, விலைவாசி அதிகமாகி விட்டது’ அதனால் இன்னுமொரு tramp walk நடாத்தி(களநிலவரம்) photo shooting நடாத்தி அதற்கு பிறகு பணம் ஒதுக்குவார்கள்.

ஏற்கனவே பணம் ஒதுக்கியதாக கூறப்பட்டு செயற்படுத்தப்படாத பல செயற்பாடுகளிற்கே காரைநகர் பிரதேச சபை எந்த நடவடிக்கைகளையும் எடுக்கவில்லை. அதுவும் எந்த கட்சிகளையும் சாராத சுயேட்சை தலைமையில் அமைந்துள்ள காரைநகர் பிரதேச சபை தவிசாளரினால் அரசினால் ஒதுக்கப்பட்டதாக கூறப்பட்ட நிதிகளையே கொண்டு வரவும் முடியவில்லை அல்லது ஒதுக்கப்பட்டதாக சொல்லப்பட்ட நிதிகளிற்கு என்ன நடந்தது என்ற உண்மையை சொல்ல முடியாதளவிற்கு ஆளும் கட்சியினரால் அடக்கி வைக்கப்பட்டுள்ளார்.

காரைநகர் தவிர்ந்து அல்லது வலிகாமம் தவிர்ந்து வடமராட்சி, தென்மராட்சி பகுதிகளிற்கு சென்று பார்தீர்களேயானால் குச்சொழுங்கை முதல் பத்து வீடுகள் உள்ள வீதிகள் வரை 18 அடி அகலம் கொண்ட வீதிகள் பலவும் கார்ப்பற் இடப்பட்டுள்ளன, ஆனால் காரைநகரில் பிரதான வீதியும் பத்தாயிரம் மக்கள் பயன்படுத்தும் இரண்டு பெரும் பாடசாலைகள் அமைந்துள்ள வீதியுமான RDA இன் கட்டுப்காட்டில் அமைந்துள்ள 7 Km சுற்றுவட்ட வீதி படு மோசமாகவுள்ளது.

காரைநகர் பிரதேசத்திற்கு உட்பட்ட மேற்படி சுற்றுவட்ட வீதியை கலஞ்சென்ற கலாநிதி ஆ.தியாகராசா அவர்கள் தனது பாராளுமன்ற உறுப்பினர் பதவியை பயன்படுத்தி அதனை RDA எனப்படும் மத்திய அரசின் வீதி பராமரிப்பு அமைப்பில் சேர்த்துக்கொண்டதுடன், கொழும்பு யாழ்ப்பாணம் பிரதான வீதியான A9 எனப்படும் இலங்கையின் பிரதான நீண்டபெருந்தெருவுடன் இணைத்துக்கொண்டு A9 இன் இறுதி முடிவு காரைநகர் சுற்று வட்ட வீதியே என்பதனையும் அறியாதவர்களா இன்றைய அரச உத்தியோகத்தர்களும் அரசியல்வாதிகளும்..!

இதை அறியாதவர்களையா காரைநகர் பிரதேச சபையில் அங்கத்தவர்களாக மக்கள் தெரிவு செய்துள்ளார்கள்..? இவர்களா பிரதேச சபை உறுப்பினர்களாக காரைநகர் மக்களை பிரதிநிதித்துவப்படுத்துகிறார்கள்…?

காரைநகர் பிரதேச சபையில் உறுப்பினர்களாக காரைநகர் மக்கள் வளங்கிய வாக்குகளின் பிரகாரம் இன்று கலந்து கொண்டு புகைப்படத்திற்கு ‘pose’ கொடுத்த யாராவது ஒரு உறுப்பினர் மக்களிற்கு உண்மையை சொல்ல முன்வர வேண்டும். அடுத்து என்ன..? இன்று வந்து களநிலவரம் செய்தவர்கள் என்ன உத்தரவாதம் வளங்கினார்கள்..? எத்தனை கோடி ஒதுக்கினார்கள்… எப்போது செயல் ஆரம்பம்…? எப்போது முடியும்..?

காரைநகர் பிரதேச சபையில் சக்கலாவோடை வரைபடம் இதுவரை இல்லையா…? நீலிப்பந்தனை வரைபடம் இல்லையா..? திரும்ப திரும்ப எதை பார்க்கப்போகிறீர்கள்… எதை அளக்கிறீர்கள்..? நீங்கள் வெளிப்படையாக சொன்னால் வெளிநாட்டில் வாழும் பலராலும் accurate ஆக ஒரு இன்ஞ் தவறாமல் வீதிகளின் நீள அகலங்களை சொல்வதற்கு தயாராக உள்ளார்கள்.

நம்புங்கள். இதுவரை காலமும் ‘ எனது ஊர் காரைநகர்’ நம்பிக்கையை கைவிட்டது இல்லை. ஆனால் இனிமேலும் நடக்கும் என்பதையும் நம்புவதற்கு இல்லை. மத்தியில் அரசு நாட்டை முன்னேற்ற போராடிக்கொண்டிருக்கிறது ஆனால் பிரதேச சபையில் துணிவுடனும் நிக்க வைத்து அரச உத்தியோகத்தர்களை கேள்வி கேட்கிற துணிவுடன் உள்ளவர்களை பிரதேச சபைக்கு அனுப்புவதற்கு காரைநகர் மக்கள் தவறிவிட்டார்கள்.

சாதிக்கும், பிரதேசவாதத்திற்கும், கட்சிக்கும் வாக்கு போடும் காரைநகர் மக்களே… ஊர்ப்பணியை பிரதேச சபை ஊடாக அரசிற்கும் அரசியல்வாதிகளிற்கும், அரச இயந்திரத்திற்கும் அறியப்படுத்தும் வல்லமையும் திறமையும் அனுபவமும் உள்ளவர்களை வேட்பாளராக உங்கள் கட்சியின் சார்பாக தெரிவு செய்யுங்கள். அவர்களிற்கு உங்கள் வாக்குகளை கொடுங்கள்.

சாதிக்காகவோ அல்லது பிரதேசவாதத்தையோ முன்னிறுத்தி வாக்களிக்காதீர்கள்.

நீங்கள் வாக்களித்தவர்கள் விட்ட தவறுகளே அன்றும் இன்றும் உங்களை இந்த நிலையில் வாழவைத்துக்கொண்டுள்ளார்கள். அநுர அரசின் ஆட்சியில் மக்களிற்கு நாட்டு மக்களிற்கு மட்டுமன்றி IMF இற்கு கூட அதிகளவில் வந்துள்ளது ஆனால் பிரதேச சபை உறுப்பினர்களிற்கும் பிரதேச சபை தவிசாளருக்கும் இன்னும் நம்பிக்கை வரவில்லை. அத்துடன் பிரதேச சபையிலும் அரசியல் கட்சிகள் சார்ந்த அரசியலே காரைநகரில் இன்னமும் நடைபெற்றுக்கொண்டிருக்கிறது என்பது அப்பட்டமாக தெரிகின்ற உண்மையாகும்.

தங்கள் கட்சிகளிற்காக மட்டுமே காரைநகர் பிரதேச சபை உறுப்பினர்கள் வக்காலத்து வாங்கிக்கொண்டுருக்கிறார்கள் என்பதும் சுயேட்சையாக வெற்றி பெற்றவர்களும் திறமை இன்றியோ அல்லது வேறு அழுத்தங்கள் காரணமாகவோ மக்களிற்கான பணியை செய்ய முடியாதளவில் அரசியல்வாதிகளிற்கும் அரச உத்தியோகத்தர்களிற்கும் அடிபணிந்து போய்க்கொண்டிருக்கிறார்கள்.

பி.கு. இன்று காரைநகரில் நடைபெற்ற களநிலவரம் என சொல்லப்படும் (tramp walk) படப்பிடிப்பின் போது அரசியல்வாதிகளும், அரச உத்தியோகத்தர்களும், பிரதேச சபை உறுப்பினர்களும் கதைத்தவைகளையும் கைகட்டி நின்றவர்களையும் அங்கிருந்த ஒரு சிலரின் ஊடாக நானும் நேரடியாக கண்டும் கேட்டும் அறிந்து கொண்டேன் என்பதும் அதன் ஊடாக பெற்ற அனுபவமே இந்த விளக்கம்.

என்மீது யாரும் வசைபாட முயற்சிக்காதீர்கள். உங்கள் பகுதி பிரதேச சபை உறுப்பினரிடம் கேளுங்கள். அரசின் சார்பில் கலந்து கொண்டவர்களிடம் என்ன கேட்டார்கள் என்றும்… அரசு இனி எப்போது நிதி ஒதுக்கீடு செய்யும் என்றும்…. அவ்வறு நிதி ஒதுக்கீடு செய்தால் அதனை எப்போது செயற்படுத்தும் என்றும்…. அதற்கு என்ன உத்தரவாதம் என்றும் எத்தனை பிரதேச சபை உறுப்பினர்கள் அரச நிர்வாகத்தினரிடம் கேள்வி கேட்டார்கள்… ? படத்திற்காக கைகட்டி முண்டியடித்தார்களேயன்றி மக்களின் மனநிலமையினை அறிந்து அரசின் பிரதிநிதிகளிடம் கேள்வி கேட்கவோ அன்றி விபரத்தை சொல்லவோ பிரதேச சபை உறுப்பினர்கள் திறமையை கொண்டிருக்கவில்லை.

இதுதான் 01.10.2026 இன்று வெள்ளிக்கிழமை காரைநகரில் நடந்தவை. Tram walk படங்களை பிரதேச சபை உறுப்பினர்கள் முகதூல்களில் பார்வையிடுங்கள்.