காரைநகர் அபிவிருத்தி சபை பொதுக்கூட்டம் 12.07.2026 இன்று ஞாயிற்றுக்கிழமை இன்னும் சில மணி நேரங்களில் நடைபெறவுள்ளது.
ஏன் எதற்காக இந்த பொதுக்கூட்டம்..? பலரிற்கு தெரியாது, சிலரிற்கு புரியாது. அதனால் சிறு விளக்கம்.
28.09.2025 அன்று அப்போதைய தற்காலிக தலைவர் திரு.வி.ஹம்சன் தலைமையில் நடைபெற்ற புதிய நிர்வாக சபை தெரிவிற்கான பொதுக்கூட்டத்தில் K.K.சுப்பிரமணியம் குருபரன் அவர்கள் தலைவராக தெரிவு செய்யப்பட்டார்.
தலைவர், செயலாளர், பொருளாளர் ஆகியோர் மீது குற்றப்பின்னணி இருக்கக்கூடாது என்ற காரணத்தினால் பொலிஸ் clearance பெற்றுக்கொடுத்த நிலையிலும் திரு.குருபரன் சுப்பிரமணியம் அவர்கள் தலைவராக முடியாது என்ற ஒரு சிலரது அடாவடித்தனமான நடவடிக்கைகளினால் திரு.குருபரன் சுப்பிரமணியம் சபையின் நல்லெண்ணம் கருதி தனது பதவியை இராஜினாமா செய்தார்.
திரு. குருபரன் சுப்பிரமணியம் மீதான குற்றப்பின்னணி என்னவெனில்…. காரைநகரில் பனை மரங்களை இரவோடு இரவாக சட்டத்திற்கு புறம்பான வழிகளில் தறித்து இரவோடு இரவாக கடத்திவரும் ஒருவரை கையும் களவுமாக பிடித்து காவல்துறையினரிடம் ஒப்படைத்தது தொடர்பாக பனை மரத்திருட்டில் ஈடுபட்ட நபருடன் ஏற்பட்ட விவாதத்தின் போது அவரை தாக்க முயற்சித்ததாகவும் அதன் காரணமாக ஊர்காவற்றுறை கோர்ட்டில் ஒரு வருட வெளிச்சிறை தண்டனை பெற்றவர் என்பதாகும். ஆனாலும் அதனையும் ஊர் நன்மைக்காக கருதிய ஊர்காவற்றுறை பொலிசார் திரு. குருபரன் சுப்பிரமணியம் அவர்களிற்கு நற்சான்றிதள் அளித்திருந்ததும் 28.09.2025 நடைபெற்ற பொதுக்கூட்டத்திற்கு முன்னர் அதனை காரைநகர் DS காரியாலயத்தில் சமர்ப்பித்து தலைவர் பதவிக்கு தகுதியடையரகாக தன்னை நிரூபித்திருந்தார்.
திரு. குருபரன் சுப்பிரமணியம் அவர்கள் காரைநகரின் காவலனாக காவல்துறைக்கு பல விடயங்களிலும் செயற்பட்டு வருவதும், காரைநகரின் பல அபிவிருத்தி பணிகளிலும் தானாக முன்வந்து கடந்த ஐந்து ஆண்டுகளில் பல செயற்பாடுகளை நிறைவேற்றி வருவதும், வெளிநாடுகள் வாழ் காரை மக்கள் பலரும் அவருடைய வழிநடாத்தலில் நம்பிக்கைக்கு பொறுப்பாக செற்பட்டு வருவதாலும் திரு. குருபரன் சுப்பிரமணியம் மீது தமது இயலாமைகளின் காரணமாக பெரும் பொறாமையும் மனவுழைச்சல்களிற்கும் உட்பட்டுள்ளனர்.
ஊர்காவற்றுறை பொலிஸ் நற்சான்றிதள் பெறப்பட்ட நிலையில், காரைநகர் அபிவிருத்தி சபையின் தலைவராக 28.09.2026 அன்று தெரிவு செய்யப்பட்ட திரு. குருபரன் சுப்பிரமணியம் தனது பதவியினை இராஜினாமா செய்து தற்போதைய காரைநகர் அபிவிருத்தி சபை மூன்றாண்டுகளின் பின்னர் நிரந்தரமான நிர்வாகத்தை பெற்றுக்கொள்ள வேண்டும் என்பதற்காக பதவி மோகம் இன்றி காரைநகர் DS அவர்களின் ஆலோசனைகளைப்பெற்று ராஜினாமா செய்தார். அதனால் தலைவர் பதவி வெற்றிடமாகவும், உப தலைவராக தெரிவு செய்யப்பட்ட திரு. தேவலிங்கம் பரணீதரன் அவர்கள் பதில் தலைவராகவும் காரைநகர் அபிவிருத்தி சபை 27.10.2025 முதல் செயற்பட்டு வருகிறது.
உப தலைவர் திரு. தேவலிங்கம் பரணீதரன் பதில் தலைவராக காரைநகர் அபிவிருத்தி சபை முழுமையான செயற்பாட்டுடன் செயற்பட்டு வருவதும், திரு. குருபரன் சுப்பிரமணியம் அவர்கள் பதவிகளிற்கு அப்பாற்பட்டு காரைநகர் அபிவிருத்தி சபையின் நற்பெயருக்கு களங்கம் ஏற்படாத வகையில் காரைநகர் அபிவிருத்தி சபையின் தற்போதைய நிர்வாகத்திற்கு முழுமையான ஒத்துழைப்பு வழங்கி செயற்பட்டு வருவதும், திரு. குருபரன் சுப்பிரமணியம் அவர்கள் ஊடாக காரைநகர் அபிவிருத்தி சபை மூலம் இதுவரை பத்திற்கும் மேற்பட்ட செயற்திட்டங்களை நிறைவேற்றியுள்ளார்கள் என்பதும் யாவரும் அறிந்து கொள்ளத்தக்கது.
ஆனாலும் காரைநகர் அபிவிருத்தி சபைக்கு முறையான தலைவர் தெரிவு என்பது இனி எட்டாக்கனியாகவே இருக்கும். காரணம் தற்போதைய நிர்வாக சபை தெரிவானது 2023ம் ஆண்டின் தொடர்ச்சியாக இருப்பதனால் 2023ம் ஆண்டிற்கான சபையின் அங்கத்தவர்கள் மற்றும் ஆயுள்கால அங்கத்தவர்கள் மூலமாக மட்டுமே தெரிவு செய்யப்பட வேண்டும். அதனால் 2023ம் ஆண்டில் தகுதியுடைய அங்கத்தவர்களாக கருதப்பட்ட 95 அங்கத்தவர்கள் மூலம் 45 அல்லது 46 அங்கத்தவர்கள் இன்றைய பொதுக்கூட்டத்திற்கு சமூகம் அளிக்க வேண்டும்.
இது சாத்தியம் ஆகுமா..!
28.09.2025 அன்று நடைபெற்ற பொதுக்கூட்டத்தின் போது திரு.குருபரன் சுப்பிரமணியம் தலைவராக தெரிவு செய்யப்படக்கூடாது என கருதியவர்கள் சிலர் தமது தெரிவாக இன்னொருவரை தலைவராக முன்னிறுத்தவில்லை என்பதுவும், அவ்வாறு இன்னொருவரை தலைவராக பிரேரித்திருந்தாலும் போட்டியின் போது வாக்கெடுப்பில் வெற்றி பெற்றிருப்பார்களா என்கிற சந்தேகத்தினாலும் குழப்பத்தை ஏற்படுத்தியவர்கள் சார்பாக தலைவராக எவரையும் முன்னிறுத்தவில்லை என்பதும் யாவரும் அறிந்த விடயம்.
பதில் தலைவர் திரு. தேவலிங்கம் பரணீதரன் தலைமையில் 2027 வரை தொடரட்டும் காரைநகர் அபிவிருத்தி சபை நிர்வாகம்.
இந்த நிர்வாக சபை ஆயுள்காலம் நிறைவுறும் காலத்தில் 2027 இல் புதிய நிர்வாக சபையினை அமைத்துக்கொள்ள தகுதியுடையவர்களாக அங்கத்தவர்களை இணைத்துக்கொள்ள குழப்பவாதிகளும் தற்போதைய நிர்வாகத்தினரும், காரை மக்களும் அக்கறை கொள்ளாத நிலையில் ஆயுள்கால அங்கத்தவர்களாக உள்ள 60க்கும் மேற்பட்டவர்களில் வெளிநாடுகளில் வதியும் காரை மக்களே அதிகமாக உள்ள நிலையில் 2027 இலும் பொதுக்கூட்டத்திற்கு கோரம் அற்ற நிலையில் தொங்கு நிர்வாகமோ அல்லது தற்காலிக நிர்வாகமோ அல்லது இதே தலைவர் அற்ற நிர்வாகமோ தான் வருவதற்கான வாய்ப்புக்கள் அதிகம் உள்ளது என்பதை முன்கூட்டியே கணிப்பதுடன் அதற்கான நடவடிக்கைகளை காரைநகர் அபிவிருத்தி சபை மீது அக்கறை உடையவர்கள் தற்போதைய முரண்பாடுகளை கைவிட்டு 2027 / 2028 இல் காரைநகர் அபிவிருத்தி சபை நிர்வாகம் தொடர்பாக கவனம் செலுத்தவும் கேட்டுக்கொள்கிறது.
உலகம் இன்றோடு நின்றுவிடப்போவது இல்லை. ஒவ்வொருவரிற்கும் சந்தர்ப்பங்களை வளங்குகிறது. ஊரிற்கான அபிவிருத்தி இந்த வருடமோ அல்லது அடுத்த வருடத்துடனோ நிறைவுறப்போவதில்லை. நீங்களும் நானும் உயிருடன் தான் இருக்கப்போகிறோம் என நம்பினால் எதிர்காலம் எல்லோரிற்காகவும் திறந்து கிடக்கிறது. போட்டியை விடுத்து ஊரின் அபிவிருத்திக்காக சிந்திப்போம். செயற்படுவோம்.
