ஜனாதிபதி நாட்டுக்கானவர். ஜனாதிபதி போல ஒருசில பிரதேச உறுப்பினர்கள் கனவில் வாழ்ந்திருக்கிறார்கள்.

ஜனாதிபதி நாட்டுக்கானவர். ஜனாதிபதி போல ஒருசில பிரதேச உறுப்பினர்கள் கனவில் வாழ்ந்திருக்கிறார்கள்.

பிரதேச சபை உறுப்பினர்கள் தமது வீட்டுக்கான வீதி, தமது பிரதேசத்தில் மட்டும் மக்கள் எதிர்கொள்ளும் பிரச்சனைகளான குப்பை, டெங்கு, பனை, தென்னை மற்றும் பிரதேசத்திற்கு பயனளிக்கும் மரங்களை பாதுகாத்தல் போன்ற பணிகளிற்காக அவர் வாழும் வீதியிலும் அடுத்த வீதிகளிலும் வாழும் மக்களால் வாக்களித்து தேர்ந்தெடுக்கப்பட்டவர் என்பதையும் அறியாமல் ஏதோ நாட்டுக்காக ஜனாதிபதியாக தெரிவு செய்யப்பட்டவர் போல பதவி மோகத்தில் வாழ்ந்தவர்கள் மனநிலை பாதிப்படையாமல் பாதுகாத்துக்கொள்ள வேண்டியதும் ஊரவர்கள் கடமையாகும்.

இலங்கை அரசியலில் பிரதேச சபை உறுப்பினர்களுக்கும் தவிசாளர்களிற்கும் ஆசிரியர்களிற்கு அவ்வப்போது பயிற்சிப்பட்டறை நடாத்துவது போன்று அவ்வப்போது பயிற்சிப்பட்டறைகள் நடாத்தவும் அவர்களது அடிப்படை பணிகள் மற்றும் அவர்களது உரிமைகள் பற்றிய விளக்கத்தை அவ்வப்போது நடாத்த வேண்டும்.

தனது வீதி, தனது பிரதேசத்திற்கான தேவை, தனது பகுதி மக்களின் உடனடி தேவை என்னவென்று அறியாதவர்களை காரைநகர் பிரதேச சபையில் உறுப்பினர்களாக தெரிவு செய்து பிரதேச சபைக்கு உறுப்பினர்களாக ஒரு சில பகுதி மக்கள் அனுப்பி வைத்திருக்கிறார்கள் என்பதும் ஒரு சிலர் தன்னைத்தானே நாட்டுக்கே ஜனாதிபதி என்ற கனவோடு பிரதேச சபையில் பயணிக்கிறார்கள் என்பதும் காலம் கடந்து தான் தெரிய வருகிறது.

அந்த வகையில் எனது பிரதேசமான காரைநகர் J/47 வலந்தலை பிரதேசத்தில் பிரதேச சபை உறுப்பினர் திரு. சிவகுமார்( ஆனந்தன்) அவர்கள் தனது பகுதி மக்களின் தேவையறிந்து செயற்பட்டு வருகின்றார் என்பதும், அவரிடம் பிரதேச சபை உறுப்பினர்களிற்கு உட்பட்ட பணிகளை நிறைவேற்ற தொடர்பு கொள்ளவும் அதற்கான நடவடிக்கைகளை மேற்கொள்வதும் கண்டுகொள்ளத்தக்கது. தனது பணிகள் என்வென்றும் தனது பதவி என்னவென்றும் அறிந்து கொண்டு செயற்பட்டு வருபவர் எனது பிரதேச (J47) பிரதேச சபை உறுப்பினர் திரு. சிவகுமார்(ஆனந்தன்).

காரைநகர் பிரதேச சபையில் உறுப்பினர்களாக உள்ளவர்களிடம் உங்கள் பகுதிகளிற்கான தேவைகளை கேட்டுப்பெற்றுக்கொள்ளுங்கள். அதைவிடுத்து சுதந்திரம் வேண்டும், தன்னாட்சி வேண்டும் என்று அரசியல் அதிகாரங்களை எதிர்பார்க்காதீர்கள்.

அதனை பாராளுமன்ற தேர்தல் மூலமும் ஜனாதிபதி தேர்தலின் போதும் வேட்பாளலாக உங்களை பிரதிநிதித்துவப்படுத்துபவரை கேளுங்கள்.

சைவ உணவகத்திற்கு சென்று மட்டன் புரியாணி கேட்காதீர்கள். கிடைக்கவே கிடைக்காது.

ஜனாதிபதி அநுர குமார திஸநாயக்காவுடன் ஒப்பிடுவதற்கு கடந்த 76 வருடங்களாக நாட்டை ஆண்ட எந்த ஜனாதிபதிகளையும் எந்த அரசியல்வாதிகளையும் ஒப்பிடமுடியாத நிலையில் உங்களை அவருடன் ஒப்பிடாதீர்கள். அவர் எல்லாவற்றிற்கும் அப்பாற்பட்டவர்.

இன்று ஜனாதிபதியாக உள்ள நிலையிலும் அவருடைய மனைவியின் வங்கி கணக்கில் மூன்றரை இலட்சமும், மகனின் வங்கிக்கணக்கில் ஐயாயிரம் ரூபாய்களும் தான் உள்ளதும் அவரின் ஜனாதிபதிக்கான மாதந்த சம்பளம் வந்தால் தான் அவரின் வீட்டு உலையில் அரிசி வேகும் என்பதனையும் நிரூபித்துள்ளவர்.