‘எனது ஊர் காரைநகர்’ ஊடாக காரைநகர் அபிவிருத்தி சபை மாணவர் நூலகத்திற்கு எட்டு இலட்சத்து எண்பத்து எட்டாயிரம் ரூபா செலவில் உபகரணங்கள் கையளிப்பு!
சிறப்புற நடைபெற்ற கையளிப்பு நிகழ்வு! 05.08.2021
‘எனது ஊர் காரைநகர்’ இணையத்தளம் ஊடாக முன்னெடுக்கப்பட்ட காரைநகர் அபிவிருத்தி சபை மாணவர் நூலகத்திற்கு காலத்தின் தேவையறிந்து மாணவர்களின் பாவனைக்காக கற்றல் உபகரணங்கள் வழங்கும் நிகழ்வு 05.08.2021 இன்று வியாழக்கிழமை சிறப்பாக நடைபெற்றது. அத்துடன் காரைநகர் அபிவிருத்தி சபை தலைவர் திரு.இரமநாதன் சிவசுப்பிரமணியம் அவர்களால் கடந்த மாதம் வழங்கப்பட்ட Digital Interactive Board இற்கான அறிமுகமும் செய்து வைக்கப்பட்டதோடு, காரைநகர் அபிவிருத்தி சபை தலைவர் திரு.இராமநாதன் சிவசுப்பிரமணியம் அவர்களின் சேவையினை பாராட்டி வாழ்த்து மடலும் பொன்னாடையும் வழங்கி கௌரவிக்கப்பட்டார்.
www.karainews.com இணையத்தளம் ஊடாக முன்னெடுக்கப்பட்ட இந்த செயற்பாட்டிற்கு கனடா, அமெரிக்கா, ஜேர்மனி, அவுஸ்திரேலியா ஆகிய நாடுகளில் இருந்து 15 ஊர்பற்றாளர்கள் மொத்தம் 888,000(எட்டு இலட்சத்து எண்பத்து எட்டாயிரம் ரூபாய்கள்) வழங்கியிருந்தார்கள்.
560,000 (ஐந்து இலட்சத்து அறுபது ஆயிரம்) ரூபா செலவில் மாணவர்கள் பயன்பாட்டுக்குரிய Heavy Duty Printer மற்றும் 106,000(ஒரு இலட்சத்து ஆறாயிரம்) ரூபா செலவில் நூலகத்திற்கு தேவையான புத்தகங்கள் மற்றும் பாட பயிற்சி புத்தகங்கள் இன்று வழங்கப்பட்டன. அத்துடன் தொடர்ந்து இரண்டு வருடங்களிற்கு உபகரண செயற்பாட்டிற்காக 222,000(இரண்டு இலட்சத்து இருபத்தியிரண்டாயிரம்) ரூபாய்களும் இன்று காரைநகர் அபிவிருத்தி சபையினரிடம் கையளிக்கப்பட்டது.
காரைநகர் அபிவிருத்தி சபை மாணவர் நூலகத்திற்கு காலத்தின் தேவை கருதி மாணவர்களின் கற்றல் செயற்பாட்டிற்கு உதவியாக மேற்படி உதவிகளை வழங்க ‘எனது ஊர் காரைநகர்’ எடுத்துக் கொண்ட முயற்சிகளிற்கு நிதி உதவி வழங்கி சிறப்பித்த 15 ஊர்ப்பற்றாளர்களிற்கும் காநைகர் மக்கள் சார்பில் மனமார்ந்த நன்றியினை தெரிவித்துக் கொள்கின்றது ‘எனது ஊர் காரைநகர்’ இணையத்தளம்.
அத்துடன் இந்த செயற்பாட்டினை நடைமுறைப்படுத்தி காரை மாணவர்களிற்கு கற்றலுக்கான உதவிகளை வழங்க நூல் கொள்வனவிற்காக கொழும்பில் இருந்து உதவிகளை வழங்கிய திரு.கந்தையா பத்மானந்தன், திரு.நிமலன் கணபதிப்பிள்ளை ஆகியோருடன் பல வகையிலும் உதவியாக இருந்த திரு.பூவன் கணபதிப்பிள்ளை அவர்களிற்கும், காரை மாணவர்களிற்கான உதவிகளை பெற்று வழங்க பலவித சவால்களிற்கும் மத்தியில் ‘எனது ஊர் காரைநகர்’ இணையத்தளத்திற்கு ஒத்துழைப்பு வழங்கிய காரைநகர் அபிவிருத்தி சபை நிர்வாகத்தினருக்கும் கையளிப்பு நிகழ்வின் போது கலந்து கொண்டு சிறப்பித்த அன்பர்களிற்கும் மனமார்ந்த நன்றி!
கனடாவில் இருந்து ‘எனது ஊர் காரைநகர்’ ஊடாக தொடர்புகளை மேற்கொண்ட போது போட்டோ பிரதி இயந்திரத்தினை பெற்றுக்கொள்ள உடனடியாக உத்தேச மதிப்பீட்டினை வழங்கிய நிறுவனங்களிற்கும் தொடர்ந்து அதனை பராமரிக்க மூன்று ஆண்டுகள் warrenty உம் ஒரு பெட்டி பேப்பரினையும் வழங்கி தொடர்புகளில் இருந்து உடனுக்குடன் தேவையான ஆலோசனைகளை வழங்கிய திரு.Raju Pot அவர்களிற்கும் நன்றியினை தெரிவித்துக் கொள்கின்றது ‘எனது ஊர் காரைநகர்’.
‘எனது ஊர் காரைநகர்’ உடாக இச்செயற்பாட்டிற்கு நிதியுதவி வழங்கிய 15 ஊர்பற்றாளர்களின் விபரம் வருமாறு:
- Dr.வி.விஜயரத்தினம் 180,000 ரூபா (1000 $)
- மகாதேவன் பாலசுப்பிரமணியம் 180,000 ரூபா(1000 $)
- மகேஸ்வரன் பாலசுப்பிரமணியம்(USA) 117,000 ரூபா
- (500 US $)
- அருள்முகன் சாயிபாபா விஜரத்தினம்(ஜேர்மனி) 100,000 ரூபா
- தீசன் திரவியநாதன் 100,000 ரூபா
- பிரபாகரன் பிரேமளகுமாரி 58,000 ரூபா (350 Aus $)
- முரளிதரன் நவரட்ணம் 36,000 ரூபா (200 $)
- பிரசாந்தினி கஜன் 18,000 ரூபா (100 $)
- சிவா தர்மலிங்கம்(USA) 18,000 ரூபா
- பரமானந்தராசா தம்பிஐயா 18,000 ரூபா (100 $)
- கந்தையா கனகராசா 18,000 ரூபா(100 $)
- உமைபாகன் கனகேந்திரம் 18,000 ரூபா (100 $)
- கருணாவதி சுரேந்திரகுமார் 9,000 ரூபா (50 $)
- வில்வன் சிவசோதி 9,000 (50 $)
- அரி மனோகரன் 9,000 (50 $)
Total 888,000(எட்டு இலட்சத்து எண்பத்து எட்டாயிரம் ரூபாய்கள்).
