காரைநகர் பிரதேச சபையில் 24.09.2026 இன்று தொடங்கியது கதிரைக்கான போர்…!

காரைநகர் பிரதேச சபையில் 24.09.2026 இன்று தொடங்கியது கதிரைக்கான போர்…!

மூன்று அணிகளின் உடன்படிக்கையின் மூலம் தவிசாளர் பதவியினை 16 மாதங்கள் பகிர்ந்து கொள்வதாக ஏற்பட்ட உடன்படிக்கையின் அடிப்படையில் 19.06.2025 அன்று தவிசாளர் பதவியை பெற்றுக்கொண்ட திரு. கிருஷ்ணன் கோவிந்தராஜன் அவர்கள் தமது அணியின் சார்பாக வளங்கப்பட்ட 16 மாதங்கள் முடிவில் எதிர்வரும் ஒக்டோபர் மாதம் பதவியை விட்டு விலகப்போவதில்லை என அறிவித்துள்ளதாகவும் அதன் காரணமாக 24.09.2026 இன்றைய தினம் நடைபெற்ற பிரதேச சபை உறுப்பினர்களின் மாதாந்த கூட்டத்தின் போது மாற்று கட்சி உறுப்பினர் ஒருவர் வெளிநடப்பு செய்துள்ள நிலையில் காரைநகர் பிரதேச சபை உறுப்பினர்கள் மத்தியில் பரபரப்பு ஏற்பட்டுள்ளது.

காரைநகரில் சாதிய ரீதியாக பாகுபாடுகள் காட்டப்படுவதாகவும் அதன் காரணமாக சுயேட்சைகளாக களமிறங்கிய வேட்பாளர்கள் சாதியத்தின் காரணமாக போட்டியிட்ட மற்றைய ஐந்து கட்சிகளை விடவும் அதிகூடிய வாக்குகளை பெற்றனர். அதன் மூலம் 2 ஆசனங்களை பெற்றுக்கொண்டனர். ஆனாலும் 11 ஆசனங்களைக்கொண்ட பிரதேச சபையில் காரைநகரில் ஆட்சியமைக்க தேவையான ஆறு ஆசனங்களில் தமிழ் மக்கள் கூட்டணி(மான்), அகில இலங்கை தமிழ் காங்கிரஸ்(சைக்கிள்) கட்சியும் சேர்ந்து சுயேட்சைகள் ஆட்சியமைக்க ஆட்சி பகிர்வுடன் கூடிய நிபந்தனையுடன் கூட்டு சேர்ந்தனர்.

48 மாதங்கள்(4 வருடம்) கொண்ட பிரதேச சபை ஆயுட்காலத்தை தலா 16 மாதங்கள் மூன்று அணிகளும் பங்கீட்டு அடிப்படையில் தவிசாளர் பதவிகளை வகிப்பதாக உடன்படிக்கை ஏற்படுத்தப்பட்டு முதல் 16 மாதங்கள் சாதிய அடிப்படையில் தாம் பின்தள்ளப்படுகிறோம் என்ற கோரிக்கையோடு தேர்தல் களம் இறங்கிய சுயேட்சை அணிக்காக தவிசாளர் பதவி வளங்கப்பட்டது.

ஆனால் எதிர்வரும் ஒக்டோபர் மாதம் 16 மாத தவணைக்காலம் முடிவடைய உள்ள நிலையில் 24.09.2026 இன்று நடைபெற் பிரதேச சபை உறுப்பினர்கள் அமர்வில் சுயேட்சைகளின் சார்பாக தவிசாளராக பதவி வகித்துள்ள திரு. கிருஸ்ணன் கோவிந்தராஜன் அவர்கள் 16 மாத முடிவில் எதிர்வரும் ஒக்டோபர் மாதம் தனது பதவியை இராஜினாமா செய்து உடன்படிக்கையின் பிரகாரம் அடுத்த கட்சிக்காக தனது பதவியை விட்டுக்கொடுக்கப்போவதில்லை எனவும் அறிவித்துள்ளதாக அறியப்படுகிறது.

அதற்கான காரணங்களாக எங்கள் குட்டி காரைநகரிற்குள் அரசியல் நகர்வுகளை அறிந்து கொள்ளத்தக்க வகையில் கணிப்பிடக்கூடிய தகவல்கள் யாதெனில்…

சுயேட்சை அணிக்கான 16 மாதங்கள் முடிவில் மூன்று அணிகள் உடன்படிக்கைக்கு அப்பாற்பட்ட மற்றைய அணிகள் இரண்டாவது தவணைக்காலமான அடுத்த 16 மாதங்களிற்கு தமிழ் மக்கள் கூட்டணி(மான்) ஆட்சியமைக்க கூடாது எனவும் அதற்காக காரைநகர் பிரதேச சபையை கலைக்கவும் தயாராகி உள்ளதும் அதற்காக சுயேற்சை அணிகள் உடன்படப்போகிறார்களா என்பதும் மில்லியன் டொலர் கேள்வியாக உள்ளது…!

சாதியத்தின் பெயரால் அனுதாபங்களையும், சாதியத்தின் பெயரால் குளிர்காயும் ஒரு சிலரும் காரைநகரை சாதிய வெறி கொண்ட ஒரு கிராமமாக தமது அரசியல் காரணங்களிற்காக முன்னிறுத்த முயற்சிப்பதையும் அறிந்து கொண்டு செயற்பட வேண்டும்.

அரசியலில் வார்த்தைகளை மீறியவர்களும், உடன்படிக்கைகளை தூக்கி வீசி நம்பிக்கை நாணயத்தை இழந்து தொடர்ந்து சாதியத்தை மிகப்பெரும் காரணமாக கொண்டு உயர்சாதியினர் என்று நீங்கள் கருதுபவர்களே தமது சுய இலாபத்திற்காக காரை மண்ணை இழிவுபடுத்தி வருகிறார்கள்.

கட்சி அரசியலுக்காக மட்டுமே இன்றும் காரைநகரில் சாதியம் வாழ்ந்து கொண்டிருக்கிறது. வெளிநாடுகளில் வாழும் முன்னாள் காரைவாசிகளும் அறிவார்ந்த சமூகமும் காரைநகரின் பின்தங்கிய கிராம மக்களையும் அவர்களது கல்விக்கான பல்வேறு உதவிகளையும் வளங்கி முன்னேற்றிவிட முயன்று கொண்டிருக்கின்ற இந்த தசாப்தத்தில் அரசியல் கட்சிகள் தொடர்ந்து சாதியத்தை மீண்டும் மீண்டும் உயிர்பெற வைத்து குளிர்காய முற்படுகிறார்கள்.

தேர்தல் மூலம் மக்கள் தீர்ப்பை ஏற்றுக்கொள்ள முடியாத நிலையில் தமது அரசியல் சுய இலாபங்களிற்காக சாதியத்தீயில் குளிர்காய முற்படுகிறார்கள்.

சுயேற்சைகளின் சார்பாக கடந்த 16 மாதங்கள் தவிசாளர் பதவியை பெற்றுக்கொண்ட அணியினர் உடன்படிக்கையினையும் தமது நம்பிக்கை நாணயத்தை காப்பாற்றி தொடர்ந்து உடன்படிக்கையின் அடிப்படையில் செயற்படாது போனால் அடுத்த பட்ஜட் தாக்கலின் போது ஜனவரி மாதமளவில் மொத்த பிரதேச சபையும் கலைந்து போகும் என்பதும் அதற்கான காரணமாக கட்சிகளின் அரசியல் தவிர்ந்து சாதியமே காரணமாக முன்வைக்கப்படும் என்பதும் எதிர்வரும் காலத்தில் சுயேட்சைகளின் அரசியலும் அர்த்தமற்றதாகும் என்பதும் அரசியல் புரிந்தவர்களிற்கு தெளிவாக தெரிந்த உண்மையாகும்.

அல்லது அபிவிருத்தியில் காரைநகரிற்கு உண்மையிலேயே நல்லது நடக்க வேண்டுமாயின் தற்போது மற்றைய கட்சிகளைப்போன்று இரண்டு ஆசனங்களை கொண்டுள்ள NPP அநுர அரசின் கட்சியுடன் இணைந்து கூட்டாட்சி அல்லாது அவர்களிற்கு நிபந்தனையற்ற ஆதரவு வழங்கி அடுத்து வரும் மூன்று ஆண்டுகளில் யாழ்ப்பாணம் – காரைநகர்(17 km) முழுமையான கார்ப்பற் வீதி, காரைநகர் சுற்று வட்ட RDA கட்டுப்காட்டில் உள்ள வீதியினை மட்டுமாவது முழுமையாக முதல் தர வீதியாக புனரமைத்துக்கொள்ளுங்கள்.

ஆளும் கட்சிக்கு ஆதவு வழங்க முன்வராதவிடத்து காரைநகரின் 7 Km சுற்றுவட்ட வீதியோ அல்லது யாழ்ப்பாணம் – காரைநகர்(17km) கல்லுண்டாய் வீதியோ ஒருபோதும் முற்றுப்பெறாது என்பதை பாவம் காரைநகர் மக்கள் ஒரு போதும் உணர்ந்து கொள்ள மாட்டார்கள்.

அன்று ஜே. ஆர். ஜயவர்த்தனா முதல் போரிற்கு முன்னர் சந்திரிகா, மகிந்த தொடர்ந்து கோத்தபாய வரை தேர்தலுக்காக வருகை தந்த காரைநகரில் 7 Km சுற்றுவட்ட வீதி எவராலும் செப்பனிடப்படவில்லை ஆனால் இலங்கை முழுவதும் குச்சொழுங்கை முதல் குடிசை வரை 70,000 km கார்ப்பற் வீதியாக கடந்த பத்து ஆண்டுகளில் புனரமைக்கப்பட்ட போதிலும் பாராளுமன்றத்திற்கு யாழ்ப்பாணத்திலிருந்து அன்று முதல் இன்று வரை குறைந்த பட்சம் ஒரு MP ஐ ஆவது அனுப்புவதற்கு வாக்கு பலம் கொண்ட காரைநகரில் அவ்வப்போது வருபவர்கள் 50 m , 100 m, 500 m என்று திருப்திப்படுத்த relay ஓடிக்கொண்டிருக்கிறார்கள்.

கடைசியாக இந்த வருடம் சுற்றுவட்ட வீதியின் முக்கிய பிரதான பகுதியாக உள்ள வலந்தலை சந்தி முதல் சுப்பிரமணியம் வீதி வரையான 750m வரைக்கும் கார்ப்பற் வீதி என அமைச்சர் பிமல் ரத்தாயக்கா வந்து ஆரம்பித்து வைத்த ஆடம்பர விழா நடைபெற்று ஆறு மாதம் முடிந்த நிலையில் ‘தார்’ இல்லையாம்.

காரைநகரில் உள்ளவர்கள் எல்லோரிற்கும் ஒட்டு மொத்தமாக காதில பூ வைத்து சென்றவர்களில் பிமல் ரத்தாயக்காவும் ஒருவர்.

அடுத்த நாள் அமைச்சர் வருகிறார் என்று MP இளங்குமரன் மற்றும் கட்சி ஆதரவாளர்கள் வலந்தலை சந்தியிலே கூடியிருந்து ஆயத்தம் செய்து கொண்டிருந்தவேளை நம்பிக்கையுடன் நானும் சென்றேன் ஆனால் கட்சிக்கு வால் பிடிப்பவர்கள் சிலர் ஏதோ சுற்றுவட்ட வீதியே முழுமையாக போடப்பட்டது போல நான் படமெடுத்து எனக்கு பிரபல்யம் தேடப்போகிறேன் என்று என்னை நிக்க வைத்து கேள்வி கேட்டதுடன் நான் மாற்றுக்கட்சி ஆதரவாளர் என்றும் தங்கட கட்சி ஏதோ சாதித்து விட்டது போன்றும் நடந்து கொண்டார்கள். கடைசியாக கணக்கு இதுதான். அன்று என்ன நடந்ததோ அடுத்த நாள் அமைச்சர் வந்து என்ன சொன்னார் என்பது எல்லாம் எந்த பயனும் இல்லை. வெறும் 750m வீதிக்கு ‘தார்’ இல்லை என்பதை ஆறு மாதம் கழித்து கண்டு கொண்டார்கள்.

என்னடாப்பா… எல்லாம் ரூம் போட்டு சிந்திச்சு காரைநகர் மக்களை ஏமாற்றுவீர்களா அல்லது எந்த அரசியல்வாதி வந்தாலும் காரைநகரான் காதில ‘பூ’ வைக்கலாம் என்று முடிவே பண்ணிட்டாங்களா தெரியல.

காரணம் காரைநகர் மக்கள் மிகவும் sensitive ஆனவர்கள்.

சாதியம், ஆன்மீகம், பிரதேசவாதம் என்பவற்றால் பிரித்து ஆண்டு சுய இலாபம் சம்பாதிப்பவர்கள் என்று அரசியல்வாதிகள் புரிந்து கொண்டுள்ளார்கள். தமக்குள் தாமே மோதிக்கொள்வார்கள். தமது உயிர் போனாலும் சாதியத்தையும், ஆன்மீகத்தையும், பிரதேசவாதத்தையும் விட்டுக்கொடுக்க மாட்டார்கள் என்பதை ஆட்சிக்கு வருபவர்கள் நன்றாகவே புரிந்து வைத்துள்ளார்கள்.

தயவு செய்து இதை எல்லாம் சீரியஸ்சாக எடுத்துக்கொள்ளாதீர்கள். இதெல்லாம் எங்களிற்கும் பழக்கப்பட்டது தான்.

இன்னும் எதிர்பார்க்கிறேன். 750 மில்லியன் ரூபா சுற்றுவட்ட வீதிக்காக ஒதுக்கப்பட்டது என்றும், 450 மில்லியன் குச்சொழுங்கைகளிற்காக ஒதுக்கப்பட்டது என்றும், 200 மில்லியன் சும்மா பொழுது போக்கிக்காக ஒதுக்கப்பட்டது என்றும் அறிக்கை வரும், முகநூல்களில் கதறுவார்கள் எல்லாம் ஏட்டுச்சுரக்காய்.

டிப்யா புயலுக்காக காரைநகருக்கு 12 மில்லியன் ஒதுக்கப்பட்டதாகவும் அதை நம்பி தவிசாளரும் செயலாளரும் பொதுக்கூட்டத்திலேயே தெரிவித்தார்கள் கடைசியாக அதுவும் புலுடா தான் என்று தெரிந்த பின்னரும் தவிசாளரும் செயலாளரும் ஆளும் கட்சிக்காக தாம் சொன்னதை சொல்லவில்லை என்று வக்காலத்து வாங்கும் அளவிற்கு அரசியல் சுயேட்சைக்குள்ளும் பாய்ந்துள்ளது.

வாழ்க ஜனநாயகம்.