Enathu Oor Karainagar

உலக அஞ்சல் தினம் காரைநகர் பெரிய தபால் கந்தோரில் அஞ்சல் அதிபர் திருமதி சச்சிதானந்தன் கமலேஸ்வரி தலைமையில் 09.10.2026 இன்று வெள்ளிக்கிழமை கொண்டாடப்பட்டது.

இந்நிகழ்வில் காரைநகர் கிராம சேவகர்கள் பிரிவுகளில் இருந்து பிரதேச செயலக காரியாலய கிராம உத்தியோகத்தரின் தெரிவில் 9 மாற்றுத்திறனாளி பயனிகளிற்கு வாழ்வாதார உதவிகள் வழங்கப்பட்டன. அத்துடன் புலமைப்பரிசில் பரீட்சையில் சித்திபெற்ற தபாலக உத்தியோகத்தர்களின் பிள்ளைகளும் கெளரவிக்கப்பட்டனர்.

தபாலதிபர் திருமதி சச்சிதானந்தன் கமலேஸ்வரி தலைமையில் இடம்பெற்ற மேற்படி நிகழ்வில் உதவி தபாலதிபர், உபஅஞ்சல் அதிபர்கள் மற்றும் அழைப்பு விடுக்கப்பட்ட விருந்தினர்கள் கலந்து கொண்டு சிறப்பித்திருந்தனர்.

இந்நிகழ்வில் வழங்கப்பட்ட பரிசுப்பொருட்களுக்கான அனுசரணையினை ‘எனது ஊர் காரைநகர்’ karainews.com தொடர்ந்து இரண்டாவது ஆண்டாக வழங்கி சிறப்பித்துள்ளதும் குறிப்பிடத்தக்கது.